طلعت من بيتي في الطلمبات قلت انهاردة يوم التــلات
قلت أزور الشيخ شحات أسأ له عن البنين والبنات
قالي أبويا الشيخ شحات العيال راحوا الانتخابات
زعلت وقلت انتخابات قلى انتخابات المحليات
ينتخبو الواد بشلــــــــــــة وكمان عديله وفاتكــات
قلت الحق قبل مايصوتـو ويلخبطو كل اللي فـــات
ولما وصلت المحليـــات شوفت منظر من الخيــالات
عساكر كثير وأفنديـــات وطابور عربيات مصفحــات
صرخت وقلت يا ناس إحنا فى حرب ولا انتخابـــــات
لقيت أفندي مكشر وفى وشه سبع غـرزات
وحواليه أمن وعسكر يحموا دولة النكبات
سألته فين الانتخابـات ضحك وقـال ر انتخابات
تقصــد انتخابات المحليــات دة شغـــل تلات ورقات
لنظام فاشل بتاع حركـــات وتأشيرات وتصريحــــات
وتربيطاط لعزت إسماعيـــل وشريكه الحاج بركــات
بتوع حزب الوسطـــات والرشـــــوات للباشاوات
قالى لافندى روح يا تيرى أنت و أولاد الشيخ شحــات
رجعت أعاتب الشيخ شحات عشان نسى كل اللي فــــات
من بيـــــان المحليــات عن مقاطعة الانتخابــــــات
رد عليا الشيخ شحـــات دول ظلمة ماسكين عصيـــات
وأنا نسيت كل اللي فـــــات من بيان المحليــــات
قلت احكي له حكــــايــــــــــة عن تيرى تيرى كان معايــــــا
تيرى عرف فيه انتخابـــات راح وأتقدم للمحليـــــات
جهز صورة وفيش وجيـش ونيــــــة وشنطة وبطانية=
والصبح ودع والولية وراح ع الوحــــدة المحليـــة
قابلة هناك الصول عدويه قاله على فين يا عنيـــة
ارجع يا الله يا تيري وراوح ولا تركب في العربيــــــة
تيرى قال هِيــــه هِيــــــــه روحـي فـداكـي يا حريــــــة
أخد عدويه المستنـــــدات مش معقول د كله أصــــــول
تيري صمم علي التقديـــــم فكر فيها ديمقراطيـــــــــــــــة
قال ألبيه كله أصــــــــول بَرْدُو يروح مش مقبـــــــــول
صرخت و قـلـت يـاتــاس ما فيش إحساس بولاد النـاس
ناس تنباس فوق الــــــراس وناس تنداس بالمـــــــداس
وكل تيرى محامـــى إدارى للإدارية ف الإسماعيليــــــة
كسبها قضية لكن ياعنيـة ما فيش تنفيذ جوه الحسينيــة
قالوا عنها ديمقراطيــــــــة طلعت أكلة سمينة هنيـــــــــة
تمغص بطـن البلـطـجـيــة همـا وكـل الـلـى يـجـى عـليـــــا
دعوة طلعت من مظلـــــوم بعـــــد ياعينى مانام مغموم
على دعوته وأخوان حتيته وربى يفرج كل همـــــــوم
وانت يا تيري الصبر جميـل وارمِ حمـولـك عـالـــــوكيـــــــل
تيري قالها من جوه قلبـــه حسبنا الله ونعــــم الوكيـــــــل
حسبنا الله ونعم الوكيل
أحاسيس و أشعار
م/قطب القنتيرى
مشاء الله عليك يا بامهندس/ الشعر ولع في القلوب
ردحذفوبعدين ما انت برضة محلي (( بالعسل والذبدة )
واحنا كلنا محلك سر