ياولاد بلدى ياأحرار

                               { ياولاد بلدي يا أحرار }

ايــه رأيكم في اللي حصـــــل.....لأخويا وابنى...وبنـتي وأبـويــا ؟


يا ضمير الشعب اصـــــــرخ..... إيــه رأيـك في شهدا الثـــــــورة ؟


محمد..وجرجس وفتاة سمرة..... كانــــوا في وسط الميـــــــــدان


بينزفوا دم ...


دم في لون الزهرة


دم بيرسم رايـة ثورة


دم بيروى مصر الحرة


دم بيحكى فضيحة مرة


دم يولع نار


دم يمحى العار


دم يفضح الدمار


للبلطجية.. والأشرار


         وأنا


وأنا في الميدان محتار


ليه صابرين ع الطيار


بعد ما ولع الأسعار


وبعد ما خَرََّب الديار


وبعد ما سرق بالمليار


           وأنا


من إنهارضة هاختار


رجال أفاضل أخيار


من مختلف الأعمار


يقودا نهضة الأحرار


طب إية رأيكم


إيه رأيكم في عهد جديد


لشباب إيديهم منقوشة بالدم


لشاب مصري شال الهم


من أولاد مصر الأم


        لكن


لكن كان ضحوك الفـم


وجاتله رصاصة من ابن العم


سال دمه... والكل اهتم


       وهتف


مصر يا أم ..ولادك أهم


دول ع لشانك شالوا لهم


          وده


وده.. من شباب الإصلاح


مستني.. شمس الصباح


وفى إيده شـجرة تفاح


غرسها.. فى ميدان إصلاح


      وفى لحظة


وفى لحظة شاف سفاح


بألف جناح


راكب جَمَل.. وخيل تمساح


لنظام فاشل .. مليان أشبـاح


أسال دم شباب مصَّباح


والدم نازف ..والعقل راح


        لكن


لكن أخويا قلـبه ارتــاح


لصوت نادى.. حي على الفلاح


قومي يا مصر.. للعلم والكفاح


طبيب ومهندس.. عامل وفلاح


أيدي في أيدك.. نصنع نجاح


وأنت يا شهيد .. نام وارتاح


عهد الجهل ..ولى وراح


عهد الظلم .. غار وانزاح


ياولاد بلدي يا أحرار
أشعار / م قطب القنتيرى