الشعب جاع يا ريس

الشعب   جاع    يا ريس               بعد   ماكان  عايش  كويس


بقول الشعب جاع ياريس            وحزبك   والواطنى    متيس


ياريس   بلاش  فوازير               والناس   ع العيش   طوابير


الشعب   جاع   ياريس                  وبياكل    عيش    متكيس


الشعب  جاع    ياريس                  والناس مش قادرة   تفيص


يا ريس الغلا مش معقول              حتى الحمير مش لاقيه الفول


والشعب جاع   ياريس                بعد  ماكان  عايش   كويس


                        * * ** * **


ياريس  : الكفر   حزين                ياريس ده الناس  مساكين


ياريس : الغاز راح  فين               أوعى   تقولى    فلسطين


ياريس: ليه وديته إسرائيل            وخسرنا   فيه كتير ملايين


ياريس: ده كله عشان مين             حطيت  دماغنا في  الطين


ياريس: ده حـــرام عـليــك           صاحب العيال بيدعى عليك


ياريس :  كفيانا     مذلة              ونظام  فاسد  محتاج    طله


ياعالم وحكومتك  ظلمه               عيشتو الناس    في الضلمة


                          * * * * * *


وانتو ياناس ماتثورا شويه         وأنت ياكفر ماتبتشى حزيــن


يـالله نـقـول للـظــالـم لأ            طول ماحدانا   إيمان  بالديــن


وأنت ياامل خليك ويــانــا         وأمسح يالله   دموع    العيـــن


وثور يـاكـفــــــرالغلابــــــه        ع الظلم       وع  الـديـابــــــه


كفــــر الغـلابـــة ثـــــــــــار         ع الـظـالم إلـلي جـــــــــار


واخدين آمــل علي فيـــن             أصــرخ يا كـفـر حـزيـــن


وابكي بدمــــــع العيـــــن             علي وتـــــــر الـربـابـــة


ثور يا كفر الغلابــة                 ثور ع الظلم وع الديابــة


              وثـــــــور يــــاكفر الغلابـــــــــة
                                                     أحاسيس وأشعار

                                                  م/ قطب القنتيرى